Нууцлалын бодлого

Та бүртгүүлэхэд: имэйл хаяг, нууц үг (шифрлэгдсэн хэлбэрээр хадгалагдана, бид уншиж чадахгүй). Та эдгээрийг өөрөө нэмбэл: нэр, овог, нас, утасны дугаар, профайл зураг.

Google-ээр нэвтэрвэл тухайн үйлчилгээнээс зөвхөн имэйл хаягийг л авдаг, нууц үг зэрэг бусад мэдээлэлд хандахгүй.

Үйлчилгээ ашиглах явцад: үзсэн кино, тоглуулсан байрлал (үргэлжлүүлж үзэх зорилгоор), таны өгсөн үнэлгээ/сэтгэгдэл, хадгалсан жагсаалт (wishlist).

Төлбөр хийхэд: гүйлгээний дүн, төлөв, огноо, юу худалдаж авснаа хадгалдаг — банкны карт, дансны дугаар зэрэг төлбөрийн нууц мэдээллийг бид хадгалдаггүй, эдгээрийг зөвхөн QPay шууд авч, боловсруулдаг.

Цуглуулсан мэдээллийг зөвхөн: таны бүртгэлээр нэвтрэх, багц/ түрээсийн эрхийг тооцоолох, үргэлжлүүлж үзэх боломж олгох, хэрэглэгчийн дэмжлэг үзүүлэх зорилгоор ашигладаг. Бид таны мэдээллийг зарж, түрээслэж, зар сурталчилгааны зорилгоор гуравдагч этгээдэд дамжуулдаггүй.

Дараах гуравдагч талууд манай системтэй ажиллахад шаардлагатай хэмжээгээр мэдээлэл боловсруулдаг: QPay(төлбөр), Google (нэвтрэлт, зөвхөн та сонговол), Cloudflare (видео/зураг хадгалалт, дамжуулалт), имэйл илгээгч (нууц үг сэргээх, баталгаажуулах имэйл).

Уулзалт хянах, зар сурталчилгааны зориулалттай analytics/ tracking SDK (Google Analytics гэх мэт) ашигладаггүй.

Таны мэдээлэл бүртгэл идэвхтэй байх хугацаанд хадгалагдана. Бүртгэл устгахад профайл, үзсэн түүх, үнэлгээ, сэтгэгдэл, хадгалсан жагсаалт бүрэн устана. Гүйлгээний түүхийг санхүүгийн тайлагналын хуулийн шаардлагаар (нягтлан бодох бүртгэл, татварын хяналт) тодорхой хугацаанд хувийн мэдээлэлгүйгээр хадгалж болно.

Та өөрийн профайлыг хэдийд ч Профайл хуудаснаас засварлах, эсвэл бүртгэлээ бүрмөсөн устгах эрхтэй. Устгах алхмын талаар энд дэлгэрэнгүй үзнэ үү.

Үйлчилгээ 18-аас доош насны хүүхдэд зориулагдаагүй, зохион бүтээгдээгүй. Бид насанд хүрээгүй хүнээс мэдлэгтэйгээр мэдээлэл цуглуулдаггүй.

Нууцлалтай холбоотой асуулт, хүсэлтээ info@uzee.mn хаягаар илгээнэ үү.